Hlutastörf leiðbeinenda í Félagsmiðstöðunni Elítunni

Vilt þú vinna í Félagsmiðstöð fyrir 10-16 ára börn ?

Laus er til umsóknar hlutastörf leiðbeinenda í Félagsmiðstöðinni Elítunni á Álftanesi. Félagsmiðstöðin býður upp á fjölbreytt tómstundastarf fyrir börn á aldrinum 10 -16 ára. Um tímavinnu er að ræða eftir hádegi og/ eða á kvöldin. Umsækjendur þurfa að hafa náð 20 ára aldri.

Helstu verkefni og ábyrgð
• Taka þátt í skipulagning á faglegu tómstundastarfi fyrir og með börnum á aldrinum 10-16 ára
• Leiðbeina börnum í félags- og tómstundastarfi
• Samráð og samvinna við börn og starfsfólk

Hæfniskröfur
• Menntun eða reynsla sem nýtist í starfi
• Áhugi á að vinna með börnum
• Frumkvæði, stundvísi og sjálfstæð vinnubrögð
• Sveigjanleiki í starfi og jákvætt viðmót
• Lipurð í mannlegum samskiptum

Frekari upplýsingar um starfið:

Elítan er  félagsmiðstöð fyrir nemendur í 5.-10. Bekk. Hlutverk hennar er að styðja við börn og unglinga í gegnum fjölbreytt tómstundastarf, hópefli og hópastarf. Meginmarkmið starfsins er að veita þeim tækifæri til samveru og stunda heilbrigðar tómstundir undir leiðsögn reyndra tómstundaleiðbeinenda. Leiðarljós starfsins er að efla félagsfærni og sjálfsmynd barna og unglinga. Unnið er út frá hugmyndafræði barna- og unglingalýðræðis, hugmyndum og áhugasviði nemenda skólans. Leitað er eftir röddum nemenda hvað varðar starfsemi og þær uppákomur sem verða hverju sinni, innra starf og umgjörð. 

Umsóknarfrestur er til 28.ágúst 2015

Launakjör eru samkvæmt kjarasamningi Sambands íslenskra sveitarfélaga og Starfsmannafélags Garðabæjar. Í samræmi við jafnréttisáætlun Garðabæjar eru karlar jafnt sem konur hvött til að sækja um störf hjá sveitarfélaginu.

Nánari upplýsingar um starfið veitir Sigríður Elísabet Ragnarsdóttir í síma 821-5017 og í netfangið siggalisa@alftanesskoli.is eða Sveinbjörn Markús Njálsson skólastjóri í síma 821-5007 og einnig má senda fyrirspurnir á netfangið markus@alftanesskoli.is

Umsækjendur eru beðnir um að sækja um rafrænt á heimasíðu Garðabæjar Minn Garðabær með því að fylla út almenna atvinnuumsókn.