Ársskýrsla

Markmiðið með útgáfu ársskýrslu grunnskólanna er að gera grein fyrir helstu atriðum í skólastarfinu. Leitast er við að gefa yfirlit yfir það fjölbreytta starf sem fram fer í skólanum. Auk þess að fjalla um daglegt starf koma fram ýmis atriði sem takast sérstaklega vel, auk ábendinga um sitthvað sem betur mætti fara. Að gerð ársskýrslu koma kennarar, deildarstjórar og fleiri auk aðstoðarskólastjóra sem ritstýrir verkinu. Skýrslan skiptist í fimm kafla auk formála; Hagnýtar upplýsingar, samstarf heimila og skóla, áherslur í skólastarfi, ýmsar skýrslur og skýrslu Tómstundaheimilis. Hana prýða ljósmyndir úr skólastarfinu og gefa þær vonandi innsýn í þau margvíslegu viðfangsefni sem nemendur fást við. Skýrslunni er dreift til foreldraráðs, stjórnar foreldrafélagsins, skólanefndar Garðabæjar, forstöðumanns fræðslu- og menningarsviðs, deildarstjóra skóladeildar, auk þess sem hún liggur frammi á skrifstofu hans.