Afhending afraksturs kærleiksverkefnis nemenda til UNICEF

Fulltrúar úr stjórn nemendafélags Álftanesskóla afhentu í dag Stefáni Inga Stefánssyni framkvæmdastjóra Unicef á Íslandi afrakstur kærleiksverkefnis nemenda Álftanesskóla.

Stjórn nemendafélagsins ákvað í fundi um miðjan nóvember að styðja við starf Unicef þetta árið með það að markmiði að afraksturinn færi í að styðja börn sem lentu í hamförum fellibylsins á Filippseyjum nú í haust. Fellibylurinn olli gríðarlegri eyðileggingu og er þetta einhver stærsti fellibylur í sögu mannkyns. Þegar talið var upp úr kassanum góða hafði safnast 111.754,- kr. Fulltrúar nemendafélagsins sem afhentu Stefáni upphæðina voru Bjarki Vattnes Kristjánsson, Emma Ljósbrá Friðriksdóttir og Ásdís Brynja Ólafsdóttir.

Við sama tækifæri afhentu þær Sara Freysdóttir og Þórunn Birna Úlfarsdóttir nemendur í 9. bekk Stefáni Inga afrakstur af tombólum sem þær stöllur stóðu fyrir fyrir utan sundlaugina þegar þær voru í 5. og 6. bekk. Þeim fannst nú tilvalið að styðja saman málefni og nýttu því tækifærið til að afhenda 31.496,- kr. til Unicef.

Hér má sjá nokkrar myndir þegar nemendur afhentu peninga úr söfnuninni. Einnig má hér sjá kynningu sem stjórn nemendafélagsins vann og var kynnt fyrir nemendum skólans.